കുസൃതി ചോദ്യങ്ങൾ

 കുസൃതി ചോദ്യങ്ങൾ

1. ജനനം ജലത്തിൽ, സഞ്ചാരം വായുവിൽ.

Ans : കൊതുക്

2. ജനിക്കുമ്പോൾ ജനിക്കാത്ത സൗന്ദര്യത്തിന്റെ മറ ഏത്.?

Ans : ചുണ്ട്

3. രണ്ടു കിണറിന് ഒരു പാലം. ഏതാണ്.?

Ans : മൂക്ക്

4. വരുമ്പോൾ കറുത്തിട്ട്, പോവുമ്പോൾ വെളുത്തിട്ട് എന്താണ്.?

Ans : തലമുടി

5. വരുമ്പോൾ ചുവന്നിട്ട്, പോവുമ്പോൾ കറുത്തിട്ട് എന്താണ്.?

Ans : മൺചട്ടി

6. വലവീശും ഞാൻ മുക്കുവനല്ല, നൂല് നൂൽക്കും ഞാൻ വിൽക്കാറില്ല. ഞാനാര്.?

Ans : ചിലന്തി

7. കണ്ണിന്റെ സഹോദരൻ ആര്.?

Ans : ഐബ്രോ (Eyebrow)

8. ___മടിച്ച ഒരാൾ

___ത്തിൽ വീണപ്പോൾ

___മുണ്ട് നനഞ്ഞു

(വിട്ടഭാഗം ഒരേ വാക്കുകൊണ്ട് പൂരിപ്പിക്കുക)

Ans: വെള്ളമടിച്ച ഒരാൾ

വെള്ളത്തിൽ വീണപ്പോൾ

വെള്ളമുണ്ട് നനഞ്ഞു

9. കണ്ണൂരിലും ഞാനുണ്ട്,

ബഹിരാകാശത്തും ഞാനുണ്ട്, കപ്പലിലും ഞാനുണ്ട്,

കലണ്ടറിലും ഞാനുണ്ട്.

ആരാണ് ഞാൻ .?

Ans : ക

10. ഭാരമുള്ള പാനീയം ഏതാണ്.?

Ans : സംഭാരം

11. തൊലി കളഞ്ഞാൽ പേര് മാറുന്ന സാധനം എന്താണ്.?

Ans : നെല്ല്

12. ദേഹം മുഴുവൻ മുള്ള് തലയിൽ മാത്രം കീരിടാം ആരാണ് ഞാൻ.?

Ans : കൈതച്ചക്ക

13. മനുഷ്യൻ ആദ്യമായി ചവിട്ടിയ പാത്രം ഏത്.?

Ans : ഗർഭ പാത്രം

14. സുഖത്തിലും ദുഖത്തിലും ഉള്ളത് എന്ത്.?

Ans : ഖ

15. കണക്കിലുള്ള രണ്ടു ശരീര ഭാഗങ്ങൾ ഏതൊക്കെയാണ്.?

Ans : അര, കാൽ

16. ഉറക്കത്തിൽ ഒരു പ്രാവശ്യം വരും ഉണർച്ചയിലും ഒരു പ്രാവശ്യം വരും. എന്ത്.?

Ans : ഉ

17. കുട്ടിക്കാലത്ത് നീന്തിക്കളിക്കും മുതിർന്നാൽ ചാടിക്കളിക്കും ആരാണ് ഞാൻ.?

Ans : തവള

18. കണ്ണുള്ളവർക്കും കണ്ണില്ലാത്തവർക്കും ഒരേപോലെ കാണാവുന്നത് എന്ത്.?

Ans : സ്വപ്നം

19. ശബ്ദം ഉണ്ടാക്കിയാൽ പൊട്ടുന്ന ലെന്സ് ഏത്.?

Ans : സൈലെൻസ്

20. ജനനം മുതൽ മരണം വരെ കുളിച്ചുകൊണ്ടിരുന്ന ജീവി ഏത്.?

Ans : മീൻ

21. ഏതു ഭാഷയും എഴുതാൻ പറ്റുന്ന കണ്ടുപിടുത്തം ഏത്.?

Ans : പേന

22. വേഗത്തിൽ ഒന്നാമൻ, പേരിൽ രണ്ടാമൻ, സ്ഥാനത്തിൽ മൂന്നാമൻ ആരാണെന്ന് പറയാമോ.?

Ans : ക്ലോക്കിലെ സെക്കൻഡ്‌സ് സൂചി

23. പെൺകുട്ടികൾ ചിരിക്കുമ്പോൾ വാപൊത്തുന്നതെന്തുകൊണ്ട്.?

Ans : കൈകൾകൊണ്ട്

24. ഹിന്ദിക്കാർ പോക്കറ്റിലും മലയാളികൾ അടുപ്പിലും വെക്കുന്ന സാധനം എന്ത്.?

Ans : കലം (ഹിന്ദിയിൽ പേനക്ക് ആണ് കലം എന്ന് പറയുന്നത്)

25. ആവശ്യം ഉള്ളപ്പോൾ വലിച്ചെറിയും, ആവശ്യം കഴിഞ്ഞാൽ സൂക്ഷിച്ചു വെക്കും. എന്താണത്.?

Ans : മീൻ വല

26. വെട്ടുംതോറും നീളം കൂടുന്നത് എന്ത്.?

Ans : വഴി

27. താമസിക്കാൻ പറ്റാത്ത വീട്.?

Ans : ചീവീട്

28. ഗ്രഹങ്ങളിൽ വെച്ച് ഏറ്റവും അപകടകാരിയായ ഗ്രഹം ഏത്.?

Ans : അത്യാഗ്രഹം

29. തവളയുടെ  വ  എവിടെ ആണ്.?

Ans : നടുക്ക് 

30. Englishലെ അവസാനത്തെ അക്ഷരം ഏത്.?   

Ans : H